Атырау облысында қызылша ауруына шалдыққандар саны 62 адамға жетті

0

«Қазіргі кезде аймақта қызылша ауруының белгілері байқалған 62 адам анықталды. Соның ішінде 32 адамнан алынған талдау қорытындылары қызылша дерті барын растады. Ауруға шалдыққандардың 47 пайызы — бір жасқа дейінгі балалар», — деп хабарлады Атырау облыстық Қоғамдық денсаулық сақтау департаментінен.

Еске сала кетейік, бір апта бұрын облыста қызылша ауруына шалдыққан адамдарың саны 41-ге жеткен. Науқастанғандардың саны апта бойы өскен: 8 қаңтарда олар небәрі 11 болатын. Бұл ретте, соңғы екі жылдың ішінде адамдардың қызылша ауруына шалдыққан бірде-бір жағдайы тіркелмеген. 2016 жылы үш жағдай тіркелді, ал 2015 жылы бұл ауруға 91 адам шалдыққан.

inform.kz

Leave A Reply

Your email address will not be published.