Қазаққа қару ұстатып үйрету керек

0

Қару-жарақты сатып алуға рұқсат беруге бола ма, болмай ма? – деген тақырыпта 7 арнаға сұхбат бердім деп жазады өзінің әлеуметтік желідегі парақшасында Самат МҰРТАЗА. Өз жазбасында автор төмендегідей оймен бөліседі.

«Жалпы менің субьективті пікірім, қаруды халыққа сатуды рұқсат беру керек. Бізде АҚШ-тағыдай “қару ұстау мәдениеті” қалыптасу керек. Бізде ер азаматтар қару ұстай білу керек, қаруды қолдана білу керек.

Әрине қаруды сатуға қарсы топтың уәждерін түсініп отырмын. “Қару сатылса, адамдар бір-бірін атып тастайды-мыс”. Бірақ менің ойымша бұл керісінше эффект береді. Қоғамда қару сатылса, әр адам өз қаруын қолданар алдында, басқа үйде де қарудың бар екенін және ол адам да қаруды қолданатынын білгендіктен, шеттен шықпайтын сияқты. Ал шынайы қылмыскер ол қаруды заңсыз жолмен-ақ табады.

Өткенде Лисаковск қаласында көршісін атып өлтірген азамат неге қару қолданды? Әрине ашу-ыза бар, әрине жынына тиді т.б. Алайда оның сенімді түрде қару қолданғанының артында, көршісінің қарусыз болғанын білгендік жатыр. Қаруы жоқ үйге қару асынып барды. Мәселе сонда. Бұл бір деп қойыңыз.

Екіншіден, “ата-бабамыз батыр болды, Ұлы Даланы найзаның ұшымен қорғап қалды” деп көпіреміз. Ал қазір сол ата-бабаның ұрпағы тапанша мен автомат ұстай ала ма? Сол батыр мен билердің ұрпағы граната лақтырып, мылтықпен нысанаға дәл тигізе ала ма?» деп жазады С.Мұртаза.

Қаруды үйде немесе жанында ұстауға да біздің заң тыйым салған. Алайда бұл заңның да солқылдақ тұсы жоқ емес сияқты. Жоғарыдағы автордың жазбасынан кейін «расымен де әр қазақ қару ұстап, қолын үйреткені дұрыс сияқты» деген ойдың төбесі көрінеді. Беті аулақ, әлдебір соғыс жағдайы бола қалса, мылтықты қалай пайдалану былай тұрсын, ұстауды білмейтін азаматтарымыз бар екені рас қой?!

Сіз қалай ойлайсыз, қазақтың әрбір азаматына қару ұстатып, оны қалай пайдалануды үйреткен жөн бе?

kznews.kz

Leave A Reply

Your email address will not be published.