Ақмола облысында төрт әйелді пышақтап өлтірген азамат сотталды

0

Ақмола облысында төрт әйелді өлтірді деп айыпталған күдіктіге сот үкімі шығарылды.

Айта кетсек, оқиға Бурабай ауылында 2020 жылы 5 желтоқсанда орын алған. Тергеу мәліметіне сәйкес, 28 жастағы күдікті Валентин Штырь қылмыс жайлы өзі полицияға хабар берген.

Оқиға орын алған күні ер азаматтың мас болғаны анықталған. Оның қолынан 70 жастағы және 41 жастағы анасы мен қызы және олардың екі көршісі қаза тапқан. Қолға түскен ер адам бұған дейін бірнеше рет ұрлық жасағаны үшін сотты болған.

Айыпталушы қылмыс құралы пышақ екенін өзі айтып, қылмысын мойындапты. Оның сөзінше, сұмдық жайттың себебі – ер азамат пен құрбандардың арасындағы кикілжің.

Ақмоланың мамандандырылған қылмыстық сотының судьясы Торқаоы Бектұрсынов айыпталушыны кінәлі деп тауып, оны өмір бойына бас бостандығынан айырған. Үкім заңды күшіне енген жоқ.

Дегенмен сотталушы істің дұрыс жүргізілмегенін айтып, кінәсін мойндаудан бас тартты.

stan.kz

Leave A Reply

Your email address will not be published.