Көлігімен қағып, өліп қалғанына қарамаған: Шымкентте жол апатына кінәлі адам ұсталды

0

6 шілде күні Шымкентте 60 жастағы ер адамды қағып кеткен 30 жастағы жүргізуші ұсталды. Бұл туралы Шымкент қалалық полиция департаментінің баспасөз қызметі хабарлады

Құқық қорғау органдарының мәліметінше, 6 шілде күні Шымкенттегі Қазыбек би көшесінде Toyota автокөлігінің жүргізушісі 60 жастағы азаматты қағып кеткен. Жол-көлік оқиғасы салдарынан жаяу жүргінші дене жарақатымен ауруханаға жатқызылып, сол жерде көз жұмды.

Факт “көлік құралдарын жүргізуші адамдардың жол жүрісі немесе көлік құралдарын пайдалану қағидаларын бұзуы» және «жол-көлік оқиғасы болған жерден кетіп қалу» бойынша тіркелді.

«26 шілдеде жедел-іздестіру шаралары барысында Шымкент қаласының 30 жастағы тұрғыны ұсталды. Жауап алу барысында күдікті өз кінәсін толық мойындады. Қазіргі уақытта ол уақытша ұстау изоляторына қамалды. Көлік айып тұрағына қойылды. Тиісті сараптамалар тағайындалды. Жол-көлік оқиғасы фактісі бойынша сотқа дейінгі тергеу жүргізілуде», – деп хабарлады полициядан.

 

stan.kz

Leave A Reply

Your email address will not be published.