Құландық 27 ТҮЛЕК «АЛТЫН БЕЛГІ» ИЕГЕРІ АТАНДЫ

0

Біртуар Алаш азаматы Міржақып Дулатов: «Ұрпағы білімді халықтың болашағы бұлыңғыр болмайды», – деген екен. Қай кезде болмасын, ұстаздар еңбегінің нәтижесі шәкірттерінің білімімен бағаланады.

Ағымдағы оқу жылында Т.Рысқұлов ауданында 28 орта мектепті барлығы 712 оқушы 11 сыныпты бітіріп шықты.  Биылғы жылы енгізілген жаңа оқу стандарттарына сай, бітірушілердің барлығы білім және ғылым министрлігінің бұйрығы бойынша  мемлекеттік емтихан  тапсырып, қорытынды аттестаттаудан өткен болатын.

Ал, биыл аудан ұстаздарының қажырлы еңбегінің арқасында еселеніп «Алтын белгіні» ақтаған 27 түлек болса, 26 оқушы  «Үздік аттестат» иегерлері атанды.

137 баллмен Т.Рысқұлов ауданы бойынша ең жоғарғы баллды Ақыртөбе орта мектебінің оқушысы Майкен Әкежан иеленді.

Ұлттық тестілеу қорытындысы бойынша ауданның орташа баллы 73,5% құрап отыр.
«Әдепті баланы өсірсең ауылдың абыройы, ақылды бала өсірсең алты Алаштың абыройы» дегендей он бір жыл мектепте үздік оқып, ата-ана мен ұстаздарының қуанышы болған мектеп бітіруші түлектер – ауданымыздың ғана емес, еліміздің мақтанышы. Олардың болашағынан ел-жұрты үлкен үміт күтеді.

Leave A Reply

Your email address will not be published.