Дәрігерлер Алматы маңында жүк көлігі қағып кеткен баланың жағдайын айтты

0
Дәрігерлер Алматы маңында әке мен екі баланы жүк көлігі қағып кеткен жол-көлік оқиғасында аман қалған баланың жағдайын айтты, — деп хабарлайды Tengrinews.kz тілшісі.

Дәрігерлердің сөзінше, үш жасар бала зардап шеккен. Ол Қарасай аудандық ауруханасына жеткізілді.

«2018 жылғы науқас жол-көлік оқиғасы салдарынан жарақат алды. Травматология бөліміне жатқызылды. Диагнозы: жабық бассүйек-ми жарақаты, мидың шайқалуы. Бастың шаш өсетін бөлігі мен беттің сол жағы көгерген», — деді дәрігерлер.

Қыздың жағдайы орташа тұрақты деп бағаланады.

Еске салайық, 28 маусымда Алматы облысы Қарасай ауданы Жамбыл ауылындағы жолдан өткісі келген ер адам мен екі баланы жүк көлігі қағып кетті. Қайғылы оқиға видеобақылау камерасына түсіп қалған. Видео әлеуметтік желілерде жарияланды.

«Жол-көлік оқиғасы салдарынан оқиға орнында 53 жастағы жергілікті тұрғын мен тоғыз жастағы бала қаза болды. Үш жасар бала ауруханаға жеткізілді. Осы дерек бойынша ҚР ҚК 345-бабы, 4-бөлігі бойынша қылмыстық іс қозғалды», — делінген полиция хабарламасында.

Leave A Reply

Your email address will not be published.