Павлодар тұрғыны «Сулпак» дүкеніне бомба «қойды»

0

Павлодардың 33 жастағы тұрғыны дүкенге жарылғыш зат қойылғаны жөнінде қоңырау шалған

«Сағат 16.57-де Павлодар қаласының полициясына Жаяу Мұса, 2 мекенжайындағы «Сулпак» дүкенінің ғимаратына бомба қойылғаны жөнінде хабарлама түсті. Шақырту орнына дереу шұғыл-тергеу тобы, өрт сөндіру жасағы және жедел жәрдем жіберілді. Барлық келушілер мен техперсонал эвакуацияланды», – деп мәлім етті Павлодар облыстық Полиция департаментінің баспасөз қызметінен.

Ғимаратты қарап шыққан саперлер қауіпті зат таппады.

«Өткізілген шұғыл-іздестіру жұмыстарының нәтижесінде күдікті – 1987 жылы туған ер адам анықталды. Аталған факті бойынша ҚР ҚК-нің 273-бабымен сотқа дейінгі тергеп-тексеру амалдары басталды», – деді Павлодар облысы Полиция департаментінің басшысы Нұрлан Мәсімов.

Күдіктіні бұл қылмысқа итермелеген мән-жайлар тергеу барысында анықталатын болады.

Leave A Reply

Your email address will not be published.