Қасым-Жомарт Тоқаев 68 жасқа толды

0

Бүгін, 17 мамыр Қазақстан Республикасының президенті Қасым-Жомарт Тоқаевтың туған күні. Мемлекет басшысы 68 жасқа толды

Қасым-Жомарт Тоқаев 1953 жылы мамырда Алматыда дүниеге келген. Ол қаладағы №25 мектеп-гимназиясын тәмәмдаған. 1970 жылыТоқаев КСРО Сыртқы істер министрлігі Мәскеу мемлекеттік халықаралық қатынастар институтына оқуға түскен. 5-курста КСРО-ның ҚХР-дағы Елшілігіне диплом алдындағы жартыжылдық тағылымдамаға жіберілді.

Еңбек жолын мемлекет басшысы 1975 жылы КСРО Сыртқы істер министрлігінде бастады: оны Сингапур Республикасындағы кеңестік елшілікке жібереді. 1979 жылы КСРО Сыртқы істер министрлігінің аппаратына қайта оралып, 1983 жылы Пекин лингвистикалық институтындағы 10 айлық тіл курстарына қатысу үшін Қытай Халықтық Республикасына аттанды.

1984-1985 жылдары КСРО Сыртқы істер министрлігінде қызметте болды. Одан кейін Пекиндегі кеңестік елшілікке жолданып, онда 1991 жылға дейін екінші хатшы, бірінші хатшы және кеңесші лауазымдарын атқарды. 1991 жылы Мәскеудегі КСРО Сыртқы істер министрлігінің Дипломатиялық академиясының дипломатиялық басшы кадрлардың біліктілігін арттыру курстарына түсті.

1992 жылы Тоқаев Қазақстан Республикасы Сыртқы істер министрінің орынбасары болып тағайындалды. Ол 1993 жылы Сыртқы істер министрінің бірінші орынбасары және 1994 жылы Сыртқы істер министрі атанды.

1999 жылдың наурыз айында премьер-министрдің орынбасары болды.

1999 жылдың қазан айында Парламенттің келісімімен Қазақстан Республикасы президентінің жарлығына сәйкес премьер-министр лауазымына тағайындалды.

2002 жылдың қаңтарында отставкаға кетіп, кейін мемлекеттік хатшы – Сыртқы істер министрі болып тағайындалды.

2007 жылдың қаңтарына дейін Сыртқы істер министрі ретінде жұмыс істеп, кейін Қазақстан Республикасы Парламенті Сенатының Төрағасы болып сайланды.

2019 жылы 20 наурызда Қазақстанның тұңғыш президенті — Елбасы Нұрсұлтан Назарбаев отставкаға кететінін жариялады. 20 наурызда Қасым-Жомарт Тоқаев ҚР Президентінің міндетін атқарушы ретінде ант қабылдады. 2019 жылы 10 маусымда президенттік сайлауда жеңіске жетті.

stan.kz

Leave A Reply

Your email address will not be published.