Таразда «Biz birgemiz» монументі ашылды

0

Тараз қаласында Тұңғыш Президент күніне орай «Biz birgemiz» монументінің ашылу салтанаты өтті. Қиын жағдайларда әрдайым бірінші болып көмекке ұмтылып, өз өмірлерін қауіпке тігуге дайын кәсіп иелеріне құрмет белгісі ретінде салынған монументтің ашылу салтанатына облыс әкімі Бердібек Сапарбаев қатысты.

«BIZ BIRGEMIZ» монументі — ұлттық нақышпен көмкерілген туынды. Композицияның ортасындағы Жер шарын қол ұстасқан дәрігерлер, әскери, полиция қызметкерлері, өрт сөндірушілер, құтқарушылар және еріктілер секілді түрлі мамандық иелері қоршап алған.

– Қиналғанға қол ұшын беру, қолдау ата-бабамыздан келе жатқан салтымыз, дәстүріміз. Тарихтан мәлім, ашаршылық, соғыс, репрессия кезінде ата бабаларымыз жүздеген ұлттың өкілдеріне көмектесіп бауырына басқан. Қанша жыл өтіп кетсе де бүгінде қазақстаннан пана тапқан өзгеэтнос өкілдері қазақтардың қамқорлығын, дархан пейілін ұмытқан жоқ. Ата-бабаларымыздың жасаған жақсылығына әлі күнге дейін ұрпақтары ризашылығын білдіріп келеді.
Биыл тек Қазақстан үшін ғана емес әлем үшін қиын кезең кболды. Коронавирус індеті әлемді әбігерге салды. Осы бір қиын жағдайда да халқымыз бекем бірлігін, татулығын көрсетті. Өзгелерге үлгі болды. Мемлекет басшысы Қасым-Жомарт Тоқаев қиын кезде бастарын бәйгеге тігіп, адам өмірін сақтап қалуға ұмтылған ақ халатты абзал жандарға, әскерилер мен полиция қызметкерлеріне, еріктілерге лайықты құрмет көрсетуді тапсырған болатын. Ендеше, бүгінгі ашылған монументтің мәні зор.
Мемлекет тарапынан көп көмек көрсетілуде. Солай болуы керек. Қазіргі таңда ол жұсмыстарды жалғасытырамыз. Медицина мамандарын қолдау көрсетілуі, олардың көмек алуы қажет. Әсіресе дәрігерлер өздерінің денсаулықтарына қауіп төніп тұрса да науқастардың қасында болып, бастарын бәйгеге тікті. Өкінішке қарай қаншама білікті дәрігерлердің өзінен айырылып қалдық. Індеттің беті қайтатын түрі жоқ сәл саябырсығанымен, екінші толқын басталуда. Өңірімізде де науқастар саны көбейіп жатыр. Осындай сәтте бірлігімізді көрсетуіміз керек. Тек қара басымызды ойлаға болмайды. Індеттің алдын алу мақсатында жанкештілікпен еңбек етіп жатқандарға облыс әкімі ретінде алғысымды айтамын.
Бұл жер келешеңтке қала тұрғындарының демалатын орнына айналады деген үміттемін, – дей келе Б.Сапарбаев аталған монументтің құрылысын жүргізген «Темірқазық» жауапкершілігі шектеулі серіктестігіне алғыс білдірді.

Сонымен қатар ашылу салтанатында облыстық мамандандырылған фтизиопульмонология балалар санаторийінің бас дәрігері Айман Ахрапқызы, жергілікті полиция қызметі басқармасы бастығының орынбасары Манас Ақбалтаұлы, «Nur Otan» партиясы облыстық филиалы жанындағы «Jas Otan» Жастар қанатының төрағасы Уәлихан Болатбек сөз сөйледі.

Leave A Reply

Your email address will not be published.